வா வாழ்ந்து பார்க்கலாம் …!
வாழ்கை அழகான கவிதை …
வாசிக்கவும் செய்யலாம்..
கசக்கி தூர
வீசவும் செய்யலாம் …!
உயிர் சுழற்சி
காமம் சம்மந்தப்பட்டது…..!
காமம் மனம் சம்மந்தப்பட்டது…..!
அடுத்தவனின் மரணம்
தரும் பயம்
வாழ்கையை சொல்லித்தரும் …!
பயந்த மனம் பயத்தில்
இறந்த கால நினைவுகளில்
ஆறுதல் தேடும் ..!
எதிர்கால கனவில்
ஒளிந்துக்கொள்ள பார்க்கும் …!
நிகழ்காலம் மட்டும்
எட்டிக் காயாய் ….
தன்னை பதிவு செய்துக்கொள்ளும்
போராட்டத்தில்
பல முகங்கள் சூடி
தான் தொலைந்து போன
பரிதாபம் …
வீணான மிச்சங்கள்
கூட சில உயிர்களுக்கு
உணவாகும் ……
வீணாய் முடங்கிக்கிடப்பவன்
தனக்கே சுமையாவான் ….!
முட்டி, முட்டி ஓட்டை
உடைத்துத்தான்
கோழி குஞ்சு கூட
வெளிக்காற்றை சுவாசிக்கிறது…..
உன் வாழ்கை
உன் முன்னே…
வாழ்கை அழகான கவிதை …
வாசிக்கவும் செய்யலாம்..
கசக்கி தூர
வீசவும் செய்யலாம் …!
கடைசி நாளில்
சிலரின் சில கண்ணீர் துளிகள்
தான்
வாழ்ந்த நாளில்
நாம் சேர்த்து வைத்த சொத்து ……!
வா மனிதனாய்
வாழ்ந்து பார்க்கலாம் …!
2 comments:
Vazhthukal :-)
நிறைய தன்னம்பிக்கைகளை உள்வைத்து அதை அழகிய கவிதை எனும் பொட்டலங்களாக்கி மற்றவர்களுக்கு படிக்க வைத்திருக்கும் நண்பருக்கு நன்றியைத்தவிர வேறென்ன விலை தர முடியும்.
கவிதை கனகச்சிதம்.
Post a Comment